UDIN LAMANG LAH BARUBAH
Disalin dari Patun Agku Uban
Tigo hari lampau Pian Kantang
makan lamak di Ampera Anjang,
spesialis Gulai Tunjang,
inyo tacangang mancaliak urang datang
Adoh nan tonjang, adoh nan tepang,
adoh pulo bamuko balang,
babadan kuruih bantuak balalang
Inyo memang baru sakali ka kadai tu,
jadi indak tantu palanggannyo sarami itu
Emang masalah dek lu….?
Sasuok duo suok
nasi taruih dikakok,
aia angek pun disasok,
tibo-tibo kawan lamo datang mancogok
Katiko tu inyo maliek karek-an nyo datang
Namo paja tu Udin Lamang,
kawan samo gadang,
samo batangang di Subarang Padang,
katiko masih samo-samo banasib malang
Samantang alah nampak bantuak rang gadang,
tapi kapalo paja tu tatap juo tempang,
nan katiak masih baun bawang !
Kecek urang inyo alah barubah laku jo parangai,
panampilannyo pun kini alah bantuak kiyai
Tapi, jikok galak masih bantuak si jundai
Tu ka ba-a juo lai….!
Paja tu dulu buruak laku
Untuang paja ko capek balalu,
manempa diri di pulau saribu
jo urang siak nan inyo jadian guru
Ikolah iduk sabanayo
barapayo mandakekan diri ka nan kuaso
manandoan kito umaik ba agamo
