Dek Talampau Sayang (Disalin dari pantun Angku Uban)
Apo kolah nan ka tajadi kini,
banyak rang padusi indak sagan ka laki
malah adoh nan indak paduli
Ado disuruah mambasuah panci,
sudah tu manggusuak daki
pagi-pagi manyuruah anak mandi
Nan inyo main HP sambia ongkang kaki
E ya yai…,
Malah rang padusi kini murah bakato carai,
saketek-saketek carai
indak tau iduik ka bapetai-petai
Indak tau sudah tu ka makan lauk tukai
Kok dikatokan laki engak,
ya…, mungkin juga lah kak
Atau mungkin takdir nan bakandak
Oh…tentu tidak !
Awak tu bana nan engak
Bapaturuikan kandak nan inyo pintak
Nan minta lepong sitip jo badak
Sampai ka mintak krim paliangan tukak
Kok indak diagiah inyo berang
Bantuak samurah mambali arang
Dipasan siang tagah hari datang
Lai dicubo mambulalang
Nan bini malah tagak pinggang
Tapi awak dek sayang
Apo nan dimintak langsuang datang
Dek takuik iduik mambujang
Tapaso manutuik pandang
Yo engak aaaang !
